Ұлттық жиналыс декларациясынан үзінді («Адам және азамат құқықтарының декларациясы» материалдары бойынша)
Ұлттық жиналыс құрған француз халқының өкілдері адам құқықтарын білмеу, оларды елемеу және менсінбеу қоғамдық бақытсыздықтар мен үкіметтердің азғындауының бірден-бір себебі деп санайды. Сондықтан олар салтанатты декларацияда табиғи, ажырамас әрі қасиетті құқықтарды баяндайды. Адамдар еркін және құқықтары тең болып туады және солай қалады. Кез келген саяси одақтың мақсаты — осы құқықтарды сақтау: бостандық, меншік, қауіпсіздік және езгіге қарсы тұру. Жоғарғы биліктің қайнар көзі — ұлт. Бостандық — өзгеге зиян келтірмейтін барлық нәрсені істеу. Заң — жалпы ерік көрінісі, ол барлығына бірдей болуға тиіс. Заңда белгіленген жағдайларда және тәртіппен болмаса, ешкімді айыптауға, тұтқындауға немесе қамауға алуға болмайды. Әркім кінәлі деп танылғанға дейін кінәсіз саналады. Құқықтар қамтамасыз етілмеген және билік бөлінбеген қоғамның конституциясы болмайды.