Халықаралық ұйымның құрылтай актісінен үзінді (БҰҰ Жарғысының материалдары бойынша)
Біріккен Ұлттардың халықтары өз ғұмырында екі рет адамзатқа айтып жеткізгісіз қайғы әкелген соғыс зұлматынан келер ұрпақты құтқаруға бел байлап, халықаралық ұйым құрады. Оның мақсаттары — халықаралық бейбітшілік пен қауіпсіздікті сақтау, халықтардың тең құқықтылығы мен өзін-өзі билеуі қағидатын құрметтеу негізінде ұлттар арасында достық қатынастарды дамыту, экономикалық, әлеуметтік және гуманитарлық мәселелерді шешуде ынтымақтастық жасау және адам құқықтарын құрметтеуді ынталандыру. Ұйым өзінің барлық мүшелерінің егемен теңдігі қағидатына негізделген. Мүшелер өз дауларын бейбіт құралдармен шешеді және басқа мемлекеттердің аумақтық тұтастығына қарсы күшпен қорқытудан немесе оны қолданудан тартынады. Ұйым мәні жағынан мемлекеттің ішкі құзыретіне жататын істерге араласпайды. Бейбітшілікті сақтау жөніндегі басты жауапкершілік он бір мүшеден тұратын Қауіпсіздік Кеңесіне жүктеледі; олардың бесеуі — тұрақты мүшелер: Қытай Республикасы, Франция, КСРО, Ұлыбритания және АҚШ.