Даланы басқару туралы ережеден үзінді («Сібір қырғыздары туралы жарғы» материалдары бойынша)
Дала сыртқы округтерге бөлінеді. Әр округке он бестен жиырмаға дейін болыс, әр болысқа оннан он екіге дейін ауыл кіреді, ал әр ауылда елуден жетпіске дейін киіз үй болады. Округті Шыңғыс хан ұрпақтарынан үш жылға сайланатын аға сұлтан басқарады. Оның жанында округтік приказ жұмыс істейді: онда екі орыс және екі қазақ заседателі отырады. Болысты болыс сұлтаны, ауылды тұрғындар сайлайтын ауыл старшыны басқарады. Далада хан билігі сақталмайды, жаңа хан тағайындалмайды. Ауыл ішіндегі ұсақ дауларды бұрынғыша билер қарайды, ал тонау, сатқындық және билікке бағынбау істері империяның жалпы заңдары бойынша қаралады. Бес жылдық жеңілдік мерзімі біткен соң қазақтардан жыл сайын малдан ясақ алынады: жүз бастан бір бас. Көшпелі жерлер мемлекет меншігі деп жарияланады.