«Балтықтағы Штеттиннен Адриатикадағы Триестке дейін бүкіл құрлыққа бөлу сызығы түсті. Бұл сызықтың арғы жағында Орталық және Шығыс Еуропаның ежелгі мемлекеттерінің барлық астаналары орналасқан: Варшава, Берлин, Прага, Вена, Будапешт, Белград, Бухарест және София. Осы әйгілі қалалардың бәрі және олардың төңірегіндегі халық, менің айтуымша, кеңестік ықпал аймағында жатыр, әрі олардың барлығы дерлік тек кеңестік ықпалға ғана емес, Мәскеу тарапынан өсіп келе жатқан бақылауға да ұшырауда. Полициялық үкіметтер осы елдердің барлығында дерлік басым болып отыр және осы күнге дейін, Чехословакияны қоспағанда, оларда шынайы демократия жоқ... Кеңестік Ресей мен оның халықаралық коммунистік ұйымы жақын болашақта не істеуге ниетті екенін немесе олардың экспансионистік ұмтылыстарының шегі қайда екенін ешкім білмейді».