Әкімді тағайындауға келісім
Облыс әкімі қызметінен босатылды, ал Президент бұл қызметке екі кандидатураны — Бекзат пен Серікті ұсынды (шартты деректер). Облыс аумағында орналасқан барлық мәслихаттың — облыстық, аудандық және қалалық мәслихаттардың депутаттары дауыс берді. Бұл мәслихаттарда барлығы 320 депутат бар, дауыс беруге 280 депутат қатысты. Бекзатты 150 депутат, Серікті 130 депутат жақтап дауыс берді. Дауыс беруден кейін аудандық мәслихаттардың бірінің депутаты журналистерге келісім алынған жоқ деп мәлімдеді: оның пікірінше, кандидатқа барлық 320 депутаттың жартысынан астамының даусы қажет. Облыстық мәслихаттың депутаты оған қарсы шығып, тек облыстық мәслихат дауыс беруге тиіс еді деді. Үшінші депутат дауыс беру қорытындылары Президент үшін міндетті емес, ол екі кандидаттың кез келгенін тағайындай алады деді.