Үзінді мазмұны (қысқаша баяндау). Алматыда оқитын студент Манап көп жыл іздеп, інісі Қалидың Омскідегі балалар үйінде екенін табады. Қали балалар үйіне төрт жасында түскен, ағасымен он бір жыл көріспеген. Директор Манапты жылы қарсы алып, балалардың жағдайы жақсы екенін айтады. Манап інісін құшағына алмақ болғанда, Қали оған «Здравствуйте, дяденька!» деп орысша амандасады да, ағасының созған қолы сылқ түседі. Кейін Қали оның құшағынан тез сытылып шығады. Манап інісінің жатар орны мен киімін сұрағанда, Қали киім жағы бар, жыл сайын жаңартылып тұратынын айтады. Манап әкесінің басына өзі тас жинап, қорған тұрғызғанын айтады, бірақ Қали қайтыс болған адамның басына тас жинайтын қазақ салтын білмейді. Ол өзі қарайтын тірі табиғат мүйісі мен алдағы бокс жарысы туралы ықыласпен сөйлейді, сосын уақытты сұрап, жаттығуға асығады.