Үзінді мазмұны (қысқаша баяндау)
Қалмақтың қалың қолы Іле бойында жатқанда, Абылай хан батырларын жиып кеңес құрады. Қанай би Қытай шекарасы жақын екенін, қалмақтың соңынан Қытай жеріне кірсек, қазақтың бірі қалмай қырылатынын айтады. Хан «Қайту!» деп шешеді, таң ата қол кейін қозғалмақ болады. Сол түні жалғыз Баян ұйықтамай жатып: «Жөңкіліп бұл қайтудың мәні қалай?» — дейді де, жүз жас жігітті ертіп, қалың жауға өзі аттанады. Жүз жігіт қалмақты алғашында абыржытады, бірақ жау есін жиып, азғана қазақты қоршап алады. Баян жараланған жолдасы Жанатайды сүйемек болып еңкейгенде, бір қалмақ оны найзамен жаралайды. Батыр сол жауды шауып түсіріп, Жанатайды құшақтаған күйі құлайды.