Бурабайға саяхат
(1) Жазғы демалыста біз сыныппен Бурабайға саяхатқа шықтық. (2) Жол ұзақ болса да, ешкім шаршағанын білдірмеді. (3) Жол бойы біз ән айттық, жұмбақ шештік. (4) Автобустың терезесінен кең дала, шағын ауылдар мен көгілдір көлдер бірінен соң бірі көрініп отырды. (5) «Көлдің жағасында тәртіп сақтаңдар», — деп ескертті жетекшіміз.
(6) Келесі күні таңертең тауға көтерілдік, бірақ айналаны қалың тұман басып тұрды. (7) Тау етегіндегі қарағайлы орманның ауасы таза әрі салқын еді құстардың үні алыстан естіліп тұрды. (8) Түске қарай тұман сейілді, күн жарқырап шықты. (9) Алыстан Оқжетпес жартасы анық көрінді. (10) «Мына жартастың аты неге Оқжетпес?» — деп сұрады Дәурен. (11) Жетекшіміз бұл жартас туралы ел арасында аңыз көп екенін айтты.
(12) Кешке әрқайсымыз күнделікке сол күнгі әсерімізді жазып қойдық. (13) Бұл сапар бәрімізге ұзақ есте қалатын болды. (14) Егер мүмкіндік болса, келесі жазда Бурабайға тағы да келеміз.