Вопрос №15277

Құрметті ата-аналар мен оқушылар! Мектеп әкімшілігі 2026 жылғы 17 қазанда 10–11-сынып оқушыларына арналған «Бурабай» мемлекеттік ұлттық табиғи паркіне танымдық экскурсия өткізілетінін хабарлайды. Автобус мектеп ауласынан сағат 07:30-да жүреді, кері оралу сағат 19:00-ге жоспарланған. Экскурсияға қатысу үшін оқушылар 14 қазанға дейін сынып жетекшісіне ата-анасының жазбаша келісімін тапсыруы тиіс. Келісімі жоқ оқушылар экскурсияға жіберілмейді. Оқушының өзімен бірге жеке куәлігі, ауа райына сай киімі және бір күндік тамағы болуы қажет. Ұлттық парк аумағында белгіленген соқпақтан шығуға, от жағуға және қоқыс тастауға тыйым салынады. Тәртіп бұзған оқушыға мектептің ішкі тәртіп ережесіне сәйкес шара қолданылады. Қосымша ақпаратты оқу ісі жөніндегі директордың орынбасарынан алуға болады. Мектеп әкімшілігі