Ортағасырлық грамоталар бойынша шартты мысал (X–XI ғғ.)
Қамал мен оның төңірегіндегі жерлердің иесі граф Роберт рыцарь Гугоға диірмені мен егістігі бар ауылды берді. Гуго тізе бүгіп, қолдарын графтың алақандарына салып: «Бұдан былай мен сенің адамыңмын», — деді. Содан кейін ол қолын Інжілге қойып, графқа адал болуға, оның құпияларын жария етпеуге, оған және оның мүлкіне зиян келтірмеуге ант берді. Граф иелікті тапсыру белгісі ретінде Гугоға берілген егістіктен бір кесек топырақ ұсынды. Гуго графтың шақыруымен жылына қырық күннен аспайтын мерзімге атқа мініп, сауыт киіп соғысқа келуге, графтың сотына қатысуға және графты тұтқыннан құн төлеп босатуға міндеттенді. Граф өз тарапынан Гуго мен оның отбасын қорғауға және оны тек өз сотында соттауға уәде берді. Егер граф уәдесін бұзса, Гуго қызметтен бас тарта алар еді, ал Гуго антын бұзса, граф ауылды тартып алар еді.