Вавилон патшасының заңдарынан (Хаммурапи заңдары бойынша)
Егер еркін адам басқа еркін адамның көзін шығарса, оның да көзін шығарады. Егер ол еркін адамның сүйегін сындырса, оның да сүйегін сындырады. Егер ол қарапайым адамның көзін шығарса немесе сүйегін сындырса, күміспен айыппұл төлейді. Егер ол біреудің құлының көзін шығарса немесе сүйегін сындырса, құл бағасының жартысын иесіне төлейді. Егер құрылысшы үй салып, үй құлап, үй иесінің ұлы қаза тапса, құрылысшының ұлын өлім жазасына кеседі. Ал егер үй иесінің құлы қаза тапса, құрылысшы иесіне басқа құл береді. Егер адам басқа адамды кісі өлтірді деп айыптап, бірақ оны дәлелдей алмаса, айыптаушыны өлім жазасына кеседі. Егер адам ғибадатхана немесе сарай мүлкін ұрласа, оны өлім жазасына кеседі. Егер адам өз бөгетін нығайтпай, су көршісінің егістігін басып кетсе, ол көршісіне жоғалған астықты өтейді. Егер судья шығарылған үкімді өзгертсе, оны айыппұлға тартып, судьялық орнынан мәңгілікке айырады.